بالفيديو: ملحم زين بعد إصابة أطفاله وتضرر منزله بالانفجار: 'عنا طاقم بدو حرق'

المصدر : لها

تاريخ النشر : الثلاثاء ١٦ آب ٢٠٢٤

طمأن الفنان ملحم زين جمهوره على حالته الصحية، وكشف عن تضرّر منزله الذي يبعد نحو 600 متر عن مرفأ بيروت، وأكد إصابة أولاده بجروح طفيفة، أما هو فكان حين وقوع الانفجار خارج المنزل.

ووجّه زين رسالة شديدة اللهجة الى السياسيين والشعب اللبناني، مسجلة لـet بالعربي، جاء فيها: "نحنا بخير س اللي مش بخير نحنا من جوا مش بخير، من برا سلمنا بس بلدنا مش بخير، أمننا مش بخير، نحنا محكومين من عصابة من شياطين، الشيطان بيزعل أسوأ من هيك بقالنا 6 أو 7 سنين قنبلة مزروعة في وسط بيروت، وما حدا بيفكر يلاقي لها حل، ما ضل شي غير إنهم يضربونا بقنبلة ذرية".

وأضاف: "نحنا ببلد بدهم يقتلونا، انهيار اقتصادي ومعيشي واجتماعي وكورونا وأوبئة، خلص وصلنا يضربونا بالذرة، في مشكلة عم يقولولك خود اولادك وفل، بدهم البلد لإلهن بس الناس اللي بتنتخبهم بيقبضوا 100 دولار بتكلفك اولادك بعد كم سنة".

وتابع قائلاً: "شعب مدجن ومخدر ومقسم طائفياً، بعدنا نتقاذف المسؤوليات، هيدي العالم بدها مشانق، ولبنان، وبيروت عم تبكي وبيروت جريحة بطلت تنفع الأغاني ولا موقف على السوشيال ميديا ولا تحكي بمقابلة صار بدها تتعلق الناس من رقابها ونقطة على السطر".

View this post on Instagram

ملحم زين في أول تصريح له لمراسلنا علي قباني بعد إنفجار ⁧‫#بيروت ‬⁩ “تضرر البيت بشكل كبير لأنو بعيد 600 متر تقريباً عن المرفأ، وأولادي أصيبوا بإصابات طفيفة... “اللي مش بخير نحنا من جوا، من برا سلمنا، بلدنا مش بخير، أمننا مش بخير، نحنا محكومين من عصابة....” @mel7emzein @alikabbani_official

A post shared by ET بالعربي (@etbilarabi) on Aug 7, 2020 at 10:29am PDT

وعلّق زين على ما حصل خلال زيارة الرئيس الفرنسي ايمانويل ماكرون ورفضه إعطاء السياسيين المال لأنهم سارقون، بالقول: "بهدلوا البلد ونحن لا شيء من دون محيطنا العربي. نحنا في بلد بنخسر فيها كل أصدقائنا، شاطرين بس في الشحادة ويطلبوا من الناس يقولوا ابعتولنا. هيدي مصيبة عنا طاقم بدو حرق وبدو مشانق".

واختتم قائلاً: "فالج لتعالج طول ما الأجهزة الامنية والجيش ما عم يتحرك ياخد البلد من ايدهم ما في حلول وإذا بقي الشعب قاعد فينا ويموتوا اولادنا واحد ورا الثاني".

تفاعل الجمهور بشكل واسع مع صراحة وصدق كلمات النجم اللبناني وأثنوا على وطنيته وغيرته الكبيرة على لبنان.

عودة الى الصفحة الرئيسية